رفضت النائبة مها عبد الناصر، عضو مجلس النواب عن الحزب المصري الديمقراطي الاجتماعي مشروع قانون منح التزام إنشاء وإدارة وتشغل وتطوير المنشآت الصحية، المقدم من الحكومة.

وقالت عبد الناصر خلال مناقشة مشروع القانون في الجلسة العامة اليوم إن "الحكومة كل شوية تبهرنا بقوانين"، ولفتت إلى أزمة عجز الأسرة في المستشفيات طبقًا للنسب العالمية.

وأضافت "بدل ما أجيب مستثمرين وأديهم أرضي واتفق معاهم بنظام B.O.T نعمل مستشفيات لسد العجز"، وانتقدت دفاع عدد من النواب عن المشروع: "أنهي مواطنين يقدروا على دفع تمن الخدمة، ومتأكدين إنه يدي الخدمة ببلاش، كنا عرفنا نعملها قبل كده، الواقع يقول معرفناش ومش هتتعمل".

وقالت عبد الناصر: "نفسي الحكومة تقولنا الـ15 سنة اللي فيها حق التزام هتعالجوا المواطنين ازاي"، وتابعت: "يوم أسود في تاريخ الصحة في مصر".

وتدخل رئيس مجلس النواب، المستشار الدكتور حنفي جبالي "لا يا سيادة النائبة"، فردت "أنا شايفة كده"، فعقب جبالي "قولي ما تشائين، تحذف من المضبطة وتكملي في الموضوع، أيامنا كلها حلوة وبيضاء إن شاء الله"، وصفق النواب لجبالي، الذي قال
"لازم التشاؤم ده!".

وقالت عبد الناصر "مش تشاؤم ده اللي أنا شايفاه، والتاريخ هيذكر إن الحكومة أجرت المستشفيات الحكومية اللي بتعالج المواطنين"، وأضافت "مع تنفيذ هذا القانون مش هنقدر نلاقي أي سراير للمواطنين الغلابة فكروا تاني وتالت ورابع قبل إقرار القانون".